Երեկ՝ ապրիլի 1-ին, կեսգիշերին մոտ «Աստղիկ» ԲԿ-ից ոստիկանության Մալաթիայի բաժին ահազանգ է ստացվել, որ իրենց մոտ է տեղափոխվել «ձախ ազդրի կտրած-ծակած վերք» ախտորոշմամբ։
Այս մասին գրում է Shamshyan-ը։
Ահանզանգից հետո հիվանդանոց է մեկնել օպերատիվ խումբ։ Ընդամենը 10 րոպե անց կրկին «Աստղիկ» ԲԿ-ից ահազանգ է ստացվում, որ իրենց մոտ է տեղափոխվել այս անգամ էլ «ձախ կրունկի հրազենային վնասվածք» ախտորոշմամբ քաղաքացի։
Արդյունքում՝ ոստիկանները պարզել են, որ վիրավորները Երևանի բնակիչներ 25-ամյա Համլետ Սարգսյանն ու 26-ամյա Վռամ Պողոսյանն են։ Վերջինս հրազենային վիրավորում ստացածն է։
Պարզվել է նաև, որ նրանք վիրավորում են ստացել Բաբաջանյան փողոցի 115 շենքի բակային հատվածում։ Տեղում զննությամբ հայտնաբերվել են 9 մմ տրամաչափի 1 կրակված պարկուճ և արնանման հետքեր։
Նշվում է, որ ձեռնարկվում են անհրաժեշտ գործողություններ՝ հանցագործության բացահայտելու ու դեպքի հանգամանքները պարզելու ուղղությամբ։ Դեպքի առթիվ հարուցվել է քրեական գործ։
