Տոկիո նախահանգապետի պաշտոնում վերընտրված Յուրիկո Կոիկեն նշել է, որ Տոկիոյի քաղաքային իշխանությունը հետևում է աշխարում կորոնավիրուսային իրավիճակին ու ՄՕԿ-ի հետ համագործակցելով նախապատրաստվում է օլիմպիական խաղերին։
«Տոկիո-2020»-ի կազմկոմիտեն ու Ճապոնիան համատեղ հայտարարել էին, որ խաղերն անցկացվելու են պարզեցված ձևաչափով։ Հիմնական սկզբունքները լինելու են անվտանգ միջավայրն ու քիչ ծախսերը։
Կազմկոմիտեն կարծիք է հայտնել, որ հաջորդ տարի նախատեսված օլիմպիական խաղերը լինելու են համաշխարհային միասնության ու վերածննդի խորհրդանիշ։
Հիշեցնենք, որ 2020 թվականին ամառային օլիմպիական խաղերը կորոնավիրուսի համաճարակի հետևանքով հետաձգվեցին մինչև 2021 թվական։