ՀՀ առողջապահության նախարարությունը հայտնել է, որ Հայաստանի Հանրապետությունում կորոնավիրուսային հիվանդության առումով համաճարակային իրավիճակը գնահատվում է կայուն:
«Հաշվի առնելով իրավիճակային փոփոխությունը՝ ՀՀ առողջապահության նախարարությունը նախաձեռնել է սահմանափակումների մեղմացում:
Փակ տարածքներում դիմակի կրման պարտադիր պահանջը հանվել է, բացառությամբ բժշկական օգնություն և սպասարկում իրականացնող կազմակերպությունների: Մյուս բոլոր փակ տարածքներում խորհուրդ է տրվում կրել դիմակ՝ փոխելով այն 3-4 ժամը մեկ անգամ և ըստ անհրաժեշտության:
- Առողջապահության նախարարությունը հերթապահություն է սահմանել տոնական օրերին
- ՀՀ առողջապահության նախարարությունը ՄԱԿ-ի կողմից մրցանակի է արժանացել
Փոփոխությունն ուժի մեջ է մտնում պաշտոնական հրապարակմանը հաջորդող օրվանից։
Նշենք, որ վերջին 14 օրվա ընթացքում արձանագրվել է հիվանդության 11 775 դեպք, ինչը նախորդ նույն ժամանակահատվածի համեմատ (37 459 դեպք) նվազել է 69%-ով:
Թեստավորման դրական արդյունքների մասնաբաժինը վերջին 14 օրվա ընթացքում կազմել է 18.1%, նախորդ 37.9%-ի փոխարեն:
Հավելենք, որ սահմանափակումների վերաբերյալ առողջապահության նախարարության որոշումները բխում են համաճարակաբանական իրավիճակից և դրանով պայմանավորված՝ կրկին կարող են վերանայվել»,- ասվում է հաղորդագրության մեջ:
![](https://azat.tv/wp-content/uploads/2022/09/azattvlogoblack.png)