Դենիս Վիլնևի «Դյուն» ֆիլմաշարի երրորդ մասը էականորեն տարբերվելու է նախորդներից՝ կենտրոնանալով Փոլ Ատրեյդեսի կերպարի էվոլյուցիայի վրա։ Ըստ Թիմոթի Շալամեի, այս անգամ Փոլը ներկայացվելու է որպես տարեց առաջնորդ, որը տարիների իշխանության ընթացքում կրել է ծանր հոգեբանական բեռ։ Ֆիլմի գործողությունները տեղի են ունենում նախորդ մասի իրադարձություններից 15-20 տարի անց, իսկ սյուժեն հիմնված է Ֆրենկ Հերբերտի «Դյուն. Մեսիա» վեպի վրա։
Երրորդ մասում կտեսնենք ինչպես Փոլ Ատրեյդեսը հայտնվում է միջաստղային պատերազմի ու քաղաքական բարդությունների կենտրոնում՝ պայքարելով ոչ միայն արտաքին ուժերի, այլև իր ներքին դիլեմաների դեմ։ Ֆիլմում վերադառնում են հայտնի դերասաններ՝ Զենդայա, Ֆլորենս Փյու, Ջոշ Բրոլին, Քրիստոֆեր Ուոքեն և Ջեյսոն Մոմոա, իսկ նոր դերակատարում է ստանում Ռոբերտ Փաթինսոնը։
Ռեժիսոր Վիլնևի մոտեցումը, ըստ Շալամեի, նոր շունչ ու խորություն է հաղորդում գիտաֆանտաստիկ ֆիլմին՝ ընդգծելով առաջնորդության, պատասխանատվության ու մարդու հոգեբանական պայքարի թեմաները։ «Դյուն» երրորդ մասի պրեմիերան սպասվում է 2026 թվականի դեկտեմբերի 18-ին։