Ուկրաինայի պաշտպանության նախարարությունը հայտնել է, որ երկրի զինված ուժերը հետ են մղել ռուսական զորքերին Խարկով քաղաքից և դուրս են եկել դեպի Ռուսաստանի հետ պետական սահման։
«Ռուսական ուժերը կենտրոնացած են Դոնեցկի ուղղությամբ։ Գերատեսչության հաղորդմամբ՝ ռուսական ավիացիան երկրի խորքերում հարվածել է քաղաքացիական և ռազմական ենթակառուցվածքների և արդյունաբերական օբյեկտների։ Մարտերը շարունակվում են Լիմանի, Բախմուտի և Կուրախովի ուղղություններում»,- հայտնել է ՊՆ-ն։