Ռուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը հեռախոսազրույցում քննարկել են Լեռնային Ղարաբաղի շուրջ իրավիճակի կարգավորումը, ներառյալ հրադադարի վերահսկման ռուս-թուրքական համատեղ կենտրոնի աշխատանքը: Այս մասին հաղորդել է Կրեմլի մամուլի ծառայությունը:
«Անդրադարձ է կատարվել Լեռնային Ղարաբաղի կարգավորման հիմնախնդրին՝ հրադադարի ռեժիմի վերահսկման ռուս-թուրքական կենտրոնի և հակամարտության գոտում բոլոր ռազմական գործողությունների համատեքստում»,- ասված է հաղորդագրության մեջ։