Թուրքիայի նախագահ Ռեջեփ Թայիփ Էրդողանն այսօր նամակ է ուղարկել Պոլսո հայոց պատրիարքի փոխանորդ Արամ Աթեշյանին:
Իր նամակում Թուրքիայի նախագահը ևս մեկ անգամ ցավակցություն է հայտնել պատրիարք Մեսրոպ Մութաֆյանի վախճանի կապակցությամբ, ինչպես նաև անդրադարձել է Օսմանյան կայսրությունում Առաջին աշխարհամարտի ընթացքում հայերի զանգվածային սպանությունների թեմային:
«Ես իմ անկեղծ ցավակցությունն եմ հայտնում Առաջին աշխարհամարտի դժվարին պայմաններում զոհված օսմանյան հայերի թոռներին: Ինչպես յուրաքանչյուր կայսրության անկման ժամանակ, Օսմանյան կայսրության սահմաններում նույնպես հումանիտար ճգնաժամեր են եղել…
Հայկական համայնքը մեծ ներդրում է ունեցել մեր երկրում՝ դաստիարակելով Օսմանյան կայսրության և հանրապետության հայտնի որդիների: Այսօր, ինչպես և երեկ, մեր հայ քաղաքացիները, որպես մեր երկրի հավասար և ազատ քաղաքացիներ, կարևոր դեր են կատարում մեր հասարակական, քաղաքական և տնտեսական կյանքի բոլոր ոլորտներում:
Ես կցանկանայի ընդգծել հետևյալը՝ մեր երկրում հայկական համայնքի խաղաղությունն, անվտանգությունն ու երջանկությունը մեզ համար հատուկ նշանակություն ունեն»,- նշված է նամակում:
Թուրքիայի նախագահը նաև հույս է հայտնել, որ Պոլսո հայոց նոր պարտրիարք կընտրվի մոտ ապագայում:
ԽՈՐՀՈւՐԴ Է ՏՐՎՈւՄ ԿԱՐԴԱԼ
