Facebook-ը պետք է ռեկորդային չափի՝ 5 միլիարդ դոլարի տուգանք (4,4 միլիարդ եվրո) v0ari օգտատերերի անձնական տվյալների արտահոսքի պատճառով: Այս մասին չորեքշաբթի՝ հուլիսի 24-ին, հաղորդել է ԱՄՆ Դաշնային առևտրի հանձնաժողովը (FTC), որը պաշտպանում է սպառողների իրավունքները:
Սա ռեկորդային տուգանք է, որը երբևէ նման ընկերություն պետք է վճարի հաճախորդների անձնական տվյալների պահպանման կանոնները խախտելու համար, և ԱՄՆ կառավարության կողմից նշանակված խոշորագույն տուգանքներից մեկն է: Բացի դրանից՝ այս գումարը գրեթե 20 անգամ ավելի բարձր տուգանք է, որը երբևէ կիրառվել է աշխարհում՝ գաղտնի տվյալներ բացահայտելու համար:
Հանձնաժողովը նաև պահանջում է, որ Facebook ընկերության տնօրենների խորհուրդն իր մարմինը ստեղծի, որը կվերահսկի օգտատերերի անձնական տվյալների պաշտպանությունը, այդպիսով պատասխանատվությունը կհանվի ընկերության ղեկավար Մարկ Ցուկերբերգի վրայից: Անկախ հանձնաժողովը պետք է նշանակի այդ մարմնի անդամներին:
Նոր մեխանիզմը նախատեսված է օգտվողների անհատական տվյալների հետ կապված որոշումների կայացմանը հետևելու և ընկերության կառավարիչներին պատասխանատվության ենթարկելու համար: