«Աթլետիկո»-ի հարձակվող Ժոաու Ֆելիշը վերականգնվում է մկանային վնասվածքից։ Այս մասին հաղորդում է AS-ը:
Ֆելիշը վնասվածք է ստացել «Լեգանես»-ի հետ խաղում ու դրա պատճառով չի մասնակցի «Ռեալ»-ի հետ դերբիին։
Այնուամենայնիվ, դա չպետք է խանգարի ֆուտբոլիստին՝ մասնակցելու Չեմպիոնների լիգայի փլեյ-օֆֆ փուլի խաղի, որտեղ «Աթլետիկոն» կմրցի «Լիվերպուլի» հետ։ Հանդիպումը տեղի է ունենալու փետրվարի 18-ին:
Պորտուգալացու վնասվածքի կրկնության դեպքում, նա կարող է բաց թողնել Եվրոպայի գործող չեմպիոնների հետ խաղը:
«Ռեալ»-«Աթլետիկո» հանդիպումը կկայանա շաբաթ օրը՝ փետրվարի 1-ին: Հանդիպումը տեղի կունենա Մադրիդի «Սանտյագո Բեռնաբեու» մարզադաշտում:
Ֆելիշն ընթացիկ մրցաշրջանում 17 հանդիպման է մասնակցել՝ դառնալով 2 գոլի և 1 գոլային փոխանցման հեղինակ:
ԽՈՐՀՈւՐԴ Է ՏՐՎՈւՄ ԿԱՐԴԱԼ
