Ֆրանկֆուրտում մոտ 600 մարդու են տարհանել տներից, որպեսզի մասնագետները կարողանան վնասազերծել Երկրորդ համաշխարհային պատերազմի տարիներից մնացած ռումբը: Այն հայտնաբերել են Մայն գետում:
Ըստ ծրագրի՝ ռումբը պայթեցրել են հենց գետում: Պայթյունի ժամանակ ուժեղ աղմուկ է լսվել, իսկ գետի վրա գոյացել է մեծ շատրվան: Ոստիկանությունից հայտնել են, որ ռումբն այլևս վտանգ չի ներկայացնում, քանի որ դրանից ոչինչ չի մնացել:
Ամերիկյան արտադրության 250 կգ կշռող ռումբը պատահական հայտնաբերել էին դայվինգի ընթացքում: