ՀՀ վարչապետ Նիկոլ Փաշինյանի՝ Գորայք կատարած այցի ժամանակ նրան մոտեցավ քաղաքացիներից մեկը՝ ձեռքին օբսիդիանի մի կտոր:
«Էս հրաշքը գտել ենք ձեր գալու առթիվ, սա շշմելու է, 200 000 է սրա տարիքը, օբսիդիան է»,-ասաց նա:
«Բայց ոնց որ նոր սարքած լինեն»,-կատակեց Փաշինյանը:
Նրան վստահեցրին, որ գտածոն 200 000 տարեկան է, հայտնաբերվել է Ամուլսարի շնորհիվ՝ պեղումների ժամանակ:
Նշենք, որ ՀՀ վարչապետ Նիկոլ Փաշինյանը այսօր Վայոց ձորի մարզում է՝ լսելու Ամուլսարի հանքի շահագործման հետ կապված քաղաքացիների մտահոգությունները: