ՀՀ անվտանգության խորհրդի քարտուղար Արմեն Գրիգորյանը Facebook-ի իր պաշտոնական էջում գրել է․
«Այսօր ընդունել եմ Հայաստանում Իրանի Իսլամական Հանրապետության արտակարգ և լիազոր դեսպան Ն.Գ. Աբբաս Բադախշան Զոհուրիին:
Կարևորել եմ հայ-իրանական բարիդրացիական հարաբերությունները, անդրադարձել եմ տարածաշրջանային ռազմավարական ենթակառուցվածքների զարգացմանը, ինչպես նաև տարածաշրջանային ռազմաքաղաքական անվտանգային իրավիճակին:
Վերահաստատել ենք երկկողմ պատրաստակամությունը՝ շարունակելու արդյունավետ փոխգործակցությունն անվտանգության, տնտեսության, ենթակառուցվածքների զարգացման, գիտության և այլ ոլորտներում:
Համոզմունք եմ հայտնել, որ երկկողմ հարաբերությունների հետագա զարգացման և խորացման համար առկա է չօգտագործված ներուժ, ինչը կարող է տարբեր ոլորտներում փոխգործակցության նոր հնարավորություններ ստեղծել»:
https://www.facebook.com/armengrigoryanSC/posts/1382286568643476
