ՄԱԿ-ի պաշտոնական կայքը հայտնում է, որ ՄԱԿ-ի գլխավոր քարտուղար Անտոնիո Գուտերեշը չափազանց մտահոգված է Լեռնային Ղարաբաղի հակամարտության գոտում շփման գծի երկայնքով ռազմական գործողությունների վերսկսմամբ:
Քարտուղարը դատապարտում է ուժի գործադրումը և ցավում է խաղաղ բնակչության կյանքի կորուստների և զոհերի համար:
Գլխավոր քարտուղարը խստորեն կոչ է անում կողմերին անհապաղ դադարեցնել մարտերը, թուլացնել լարվածությունը և անհապաղ վերադառնալ բովանդակալից բանակցությունների: Նա կխոսի ինչպես Ադրբեջանի նախագահի, այնպես էլ Հայաստանի վարչապետի հետ:
Անտոնիո Գուտերեշը վերահաստատում է իր լիակատար աջակցությունը ԵԱՀԿ Մինսկի խմբի համանախագահների կարևոր դերակատարմանը և հորդորում կողմերին սերտորեն համագործակցել նրանց հետ՝ առանց նախապայմանների երկխոսության անհապաղ վերսկսման համար: