Գյումրիում ռուս զինծառայողի կողմից հայ կնոջը սպանելու դեպքի շուրջ կա համագործակցություն ՀՀ իրավապահների ու ռուսական ռազմաբազայի միջև, այսօր լրագրողների հետ հանդիպմանն ասաց ՀՀ-ում ՌԴ դեսպան Սերգեյ Կոպիրկինը։
«Այդ համագործակցությունը հիմնված է հայկական օրենսդրության վրա», – ավելացրեց դեսպանը։
Նա նշեց՝ իրավասու չէ մեկնաբանել դեպքը, հարցն իրավական ոլորտում է։ Որպես դեսպան կարող է ասել՝ ցավալի այս դեպքը քաղաքականացնել պետք չէ:
«Մենք ելնում ենք նրանից, որ այդ սարսափելի հանցագործությունը չի կարելի քաղաքականացնել։ Օգտվելով առիթից՝ խորին ու անկեղծ ցավակցություններս եմ հայտնում պատահարի հետևանքով մահացած կնոջ հարազատներին», – ասաց Սերգեյ Կոպիրկինը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
