Միջազգային քրեական դատարանը Հաագայում չեղարկել է Աֆղանստանում ԱՄՆ-ի կողմից հնարավոր ռազմական հանցագործությունների հետաքննությունը:
Հաագայի դատարանի հաղորդագրության մեջ նշվում է, որ այդ հետաքննությունն այս պահին «չի կարող ծառայել արդարադատության հաստատմանը»:
Փաստաթղթում նշվում է նաև, որ, չնայած քննչական գործողությունների բավարար հիմքերին` իրադարձությունների սկզբից անցել է երկար ժամանակ, իսկ տուժած երկրի գործակցությունն այս գործում քիչ հավանական է:
Միջազգային քրեական դատարանից հայտնել են նաև, որ նման պարագայում բարեհաջող հետաքննության հավանականությունը շատ փոքր է: