Facebook-ում Նիկոլ Փաշինյանը գրել է.
«Այսօր, ցավոք, կորոնավիրուսի երեք նոր դեպք ունենք:
Երկու հոգին ՀՀ քաղաքացի են, (45 և 27 տարեկան) մեկը՝ Իտալիայի (51 տարեկան) ով աշխատում Է Հայաստանում։ Երեքն էլ ժամանել են Իտալիայից:
Հիմա մեկուսացնելու համար պարզաբանվում է նրանց շփման շրջանակը, որն ըստ նախնական տվյալների մեծ չէ։
Իտալիայի քաղաքացին և ՀՀ քաղաքացիներից մեկը գանգատներ չունեն։ ՀՀ քաղաքացիներից մեկը թոքաբորբ է տանում:
Պացիենտները ժամանելուն պես հաշվառված են եղել։
Կանխատեսելով քննադատությունները, թե ինչու Իտալիայից թռիչքները դադարեցնելու որոշում չկայացրինք, ասեմ, որ նման հնարավորությունը մի քանի անգամ քննարկել ենք և եկել ակնհայտ եզրակացության, որ պոտենցիալ վարակակիրները կարող են Հայաստան գալ Իտալիայի հարրան երկրներից՝ Ֆրանսիա, Ավստրիա, քանի որ ԵՄ ներսում սահմանափակուներ չեն կիրառվել:
Այսինքն՝ նույն տրամաբանությամբ պիտի փակեինք եվրոպական մյուս ուղղությունները նույնպես, մանավանդ որ կորոնավիրուսը տարածվում է նաև եվրոպական այլ երկրներում։
Հիմա ավիաընկերություններն իրենք են որոշել դադարեցնել թռիչքները Իտալիայից։
Նշեմ, որ «Գոլդեն փելիսի» ժողովուրդը և առաջին ախտորոշված պացիենտը լավ են, գանգատ չունեն:
Սիրելի հայրենակիցներ, խնդրում եմ պահպանել հանգստություն և պահպանել կորոնավիրուսի կանխարգելման միջոցների վերաբերյալ առողջապահության նախարարության խորհուրդները։
Ուշադրություն դարձրեք, որ այս երեք դեպքերը նույնպես Հայաստանում վարակվելու դեպքեր չեն, այլ արտերկրում տեղի ունեցած վարակվածություններ»,-գրել է նա։
https://www.facebook.com/nikol.pashinyan/posts/2578969982423381?__xts__[0]=68.ARDR5jTgJH3-6zf5XVnLbhF6KExLqARN9UB8cCIOWuEBUuNXW_juCRKeOu0D_vy00nym0t5cVXOwcYJT6cJ7yjedMCVtEfGY0M35REzRY9S_vvZP74-Uue4dABxB15WAGGH3Eeo7KrqafnFbNgeGUOEBY9iI97wQ-jIfBMs8vx02EP1t5GYRUXdqErHR3RHgzozz_n96EzUN6uHuHrga5iG3nhlpC0QUH3D64e_u_9o3le9HSS6j5dCcSSAS_S-dty8hQR3uya-zHWcVq6p8fgY2fi8Nbg9Ag6iLf67XpXzRdHDFhvQI9kX1WlGTBGCTADHk7B-VqFMFZWVrXmXfoUww&__tn__=-R
Կորոնավիրուսի տարածման համաշխարհային վիճակագրությանը իրական ժամանակում կարող եք հետևել այս էջում՝ azat.tv/coronavirus։