ՀՀ առողջապահության նախարարությունը հայտնել է, որ հայ-չեխական միջկառավարական հանձնաժողովի շրջանակներում տեղի է ունեցել հայ-չեխական առողջապահական, բժշկական և դեղագիտական ոլորտներին նվիրված ֆորում:
«Միջոցառման մասնակիցներին ողջունել է առողջապահության նախարարի տեղակալ Գևորգ Սիմոնյանը` մաղթելով արդյունավետ գործակցություն:
Նախարարի տեղակալը շնորհակալություն է հայտնել համավարակի ընթացքում Չեխիայի Հանրապետության կողմից Հայաստանին տրամադրված մարդասիրական օգնության համար:
- Առողջապահության նախարարությունում քննարկվել են արտակարգ իրավիճակներում արձագանքման քայլերը
- Առողջապահության նախարարությունն անդրադարձել է ՊՇՌ թեստերի էժանացման մասին հարցին
«Համավարակը ևս մեկ անգամ ընդգծեց երկրների միասնականության ու փոխօգնության անհրաժեշտությունը` կորոնավիրուսային համավարակի և հետագա արհավիրքների դեմ պայքարի համատեքստում»,- նշել է Գևորգ Սիմոնյանը:
Չեխիայի Հանրապետության առևտրի և արդյունաբերության փոխնախարար Մարտինա Տոբերովան խոսել է առողջապահության ոլորտի արդիականացման և բժշկական համակարգը նոր սարքավորումներով հագեցնելու ուղղությամբ հայ-չեխական գործակցության հեռանկարների մասին:
Փոխնախարարն անդրադարձել է նաև Հայաստանում և Չեխիայում կորոնավիրուսային հիվանդության դեմ պայքարին, պատվաստումային գործընթացին և կոչ արել հայերին պատվաստվել` հանուն առողջության, երեխաների կրթության և զբոսաշրջության, որի հետ երկրի տնտեսությունը մեծ հույսեր է կապում»,- ասվում է հաղորդագրության մեջ: