Նոյեմբերի 23-ին «Տաթև» կրթահամալիրի տնօրենը ահազանգել էր, որ սաներից 10-ի մոտ աղիքային վարակի ախտանշաններ են։
Այս մասին տեղեկանում ենք Հիվանդությունների վերահսկման և կանխարգելման Ազգային կենտրոնից։
Նշվում է, որ նոյեմբերի 24-ի դրությամբ՝ կրթահամալիրի սաներից 4-ը հոսպիտալացված են աղիքային վարակին բնորոշ ախտանշաններով։
Նրանցից 2-ը գտնվում են Ինֆեկցիոն հիվանդությունների ազգային կենտրոնում, իսկ մյուս 2-ը՝ «Մուրացան» հիվանդանոցային համալիրում։
Ըստ աղբյուրի՝ երեխաների վիճակը գնահատվում է թեթև և միջին ծանրության։
