ԱԺ-ն հրատապ նիստում կքննարկվի Արցախում տիրող իրավիճակը

Հայաստանի Հանրապետության ազգային ժողովն այսօր՝ մարտի 22-ին, երրորդ հիմնական նիստում հրատապ փակ քննարկում կանցկացնի «Արցախի Հանրապետությունում ստեղծված հումանիտար իրավիճակը, սպառնալիքները և հրատապ անելիքները» թեմայով, որը հասարակական մեծ հետաքրքրություն է ներկայացնում։

Քննարկում անցկացնելու նախաձեռնությամբ հանդես է եկել խորհրդարական ընդդիմության ներկայացուցիչները։

Նիստի ընթացքում ընդդիմադիր Արծվիկ Մինասյանը հետաքրքրվեց, թե արդյոք նիստին ներկա են լինելու ԱԳ նախարար Արարատ Միրզոյանն ու փոխվարչապետ Մհեր Գրիգորյանը, ինչին ի պատասխան ԱԺ փոխնախագահ Ռուբեն Ռուբինյանն ասաց, որ ջանքեր են գործադրվել ու նրանք ներկա կլինեն նիտին որպես զեկուցողներ։