Ադրբեջանական հերթական սադրանքից հետո, այն է՝ ապօրինի կերպով փակել երթևեկությունը Գորիս-Կապան միջպետական ճանապարհի որոշ հատվածներում, երթևեկությունը վերականգնվել է։
Երեկ՝ օգոստոսի 27-ին, ժամը 20:00-ի դրությամբ՝ վերականգվել է Գորիս-Շուռնուխ-Կապան հատվածի երթևեկությունը։ Դրա կազմակերպման փոփոխություն չի եղել։
Այս մասին Facebook-ի էջում գրել է Կապանի համայնքապետ Գևորգ Փարսյանը։
Նա նշել է, որ Որոտանի և Նոր առաջաձորի հատվածներում երթևեկության ընթացքը դանդաղեցնելու նպատակով տեղադրվել են թափարգելներ, իսկ ճանապարհի տվյալ հատվածի վերահսկողությունն իրականացնելու են ռուս սահմանապահներ։
