Ազգային ժողովում կայացած ճեպազրույցների ընթացքում «Քաղաքացիական պայմանագիր» կուսակցությունը պատասխանեց հարցին, թե ինչու դեռևս չի ստեղծվել 44-օրյա պատերազմը քննող հանձնաժողովը։
ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը նշեց, որ իրենք հապաղում են, որպեսզի հանձնաժողովում ընդգրկված 4 ընդդիմադիր պատգամավորներից Արթուր Ղազինյանը ներկայացնի թույլտվության համար համապատասխան փաստաթղթերը, որով նա կկարողանա օգտվել փակ ռեժիմներից և գաղտնի փաստաթղթերից։
Քոչարյանը նշեց, որ իրենք կկատարեն իրենց խոստումը։
ՔՊ-ական պատգամավոր Արթուր Հովհաննիսյանը նշեց, որ հենց իշխող կուսակցությունն է շահագրգռված պատերազմի դրվագների բացահայտմամբ։
Իշխանական մյուս պատգամավոր Արուսյակ Ջուլհակյանն էլ ասաց, որ առաջինը ՀՀ վարչապետն է ասել՝ պատերազմի քննիչ հանձնաժողով ստեղծելու կարևորության մասին։