Ջեյմս ՄաքԷվոյը «Օսկար մրցանակաբաշխության» կարմիր գորգին հայտնվել էր դասական կոստյումով, սպիտակ վերնաշապիկով և մուգ գույնի փողկապով: Սակայն մրցանակաբաշխությանը հաջորդող խնջույքին նա ժամանաեց ամբողջովին կերպարանափոխված:
Նա հանեց իր պիջակը՝ ցույց տալով վերնաշապիկը, որն ամբողջովին պատված էր հանրաճանաչ մարդկանց ստորագրություններով: Ջեյմսն իր ինստագրամյան էջում հրապարակել էր ստորագրված վերնաշապիկով մի նկար և նշել, որ դեռ շատերը «կփչացնեն» իր վերնաշապիկն իրենց ստորգարություններով, քանի որ երեկոն դեռ շարունակվում է:
ՄաքԷվոյը նաև խոստովանել է, որ ստորագրություններ հավաքելու գաղափարը ինքնաբուխ է եղել, – «հատակից մի մարկեր գտնելով՝ ես սկսեցի խնդրել իմ բոլոր ընկերներին ստորագրել վերնաշապիկիս վրա: Ես չգիտեմ, թե ինչու այդպես արեցի, բայց, ամեն դեպքում, արեցի»:
Բայց այս վերնաշապիկը հսկայական գումար հավաքելու միջոց կարող է դառնալ: «Այս վերնաշապիկի վրա բազմաթիվ տաղանդավոր մարդիկ են ստորագրել, և մենք հավանաբար կփորձենք վաճառել այն և գումարը տրամադրել բարեգործության: Չգիտեմ, թե ինչպես ենք դա անելու, բայց մենք կգտնենք մի մեխանիզմ և կպարզենք, թե ինչպես կարող ենք գումար հավաքել սրանից և կանենք դա, – ասել է ՄաքԷվոյը»:
Աղբյուրը՝ Euronews
Թարգմանությունը՝ Azat TV