«Իսլամական պետություն» ահաբեկչական խմբավորումը ամրապնդում է իր դիրքերը Մերձավոր Արևելքի կենտրոնական հատվածում և դրան զուգահեռ շարունակում է հարված իրագործելու շուրջ հնարավորություններ փնտրել տարածաշրջանի արևմտյան հատվածում։ Այսպիսի հայտարարությամբ է հանդես եկել ՄԱԿ-ը՝ զեկույց ներկայացնելով Անվտանգության խորհրդին։
Զեկույցը հիմնված է հետախուզական տվյալների վրա: Նշվում է, որ ԻՊ ահաբեկիչներն օգտվում են Սիրիայում և Իրաքում անվտանգության ուժերի թույլ լինելուց և ծրագրում են բանտերից իրենց տասնյակ հազարավոր հետևորդների փախուստը:
Համաձայն զեկույցի՝ թեև խմբավորումը լուրջ նահանջներ է գրանցել, այնուամենայնիվ, շարունակում է հաստատակամ լինել, ունի լավ ֆինանսավորում և դեռևս լուրջ վտանգ է ներկայացնում թե՛ մերձավորարևելյան տարածաշրջանի, թե՛ ամբողջ աշխարհի համար:
