Ամերիկյան Apple տեխնոլոգիական ընկերությունը ներկայացրել է պլանշետների համար iPadOS 18 օպերացիոն համակարգը: Թարմացումը ներառում է բազմաթիվ գործառույթներ՝ հիմնված արհեստական բանականության վրա, ինչպես նաև ներկառուցված հաշվիչ:
Ինչպես նշում է ixbt.com կայքը, «Հաշվիչը» եղել է ամենապահանջված գործառույթներից մեկը, որն օգտատերերը խնդրել են Apple-ից 14 տարի առաջ առաջին iPad-ի թողարկումից ի վեր: Թարմացված «Հաշվիչ» հավելվածը հարմարեցված է iPad-ի մեծ էկրանին, կարող է աշխատել նորմալ և ինժեներական ռեժիմով, աջակցում է Apple Pencil-ի հետ աշխատանքին՝ մաթեմատիկական բանաձևեր մուտքագրելու, չափման միավորների փոխակերպման համար:
«Հաշվիչ» հավելված հասանելի կլինի iPad-ի բոլոր մոդելների համար, որոնք համատեղելի են թարմացման հետ: iPadOS 18-ը նախատեսվում է թողարկել 2024 թվականի աշնանը, իսկ հանրային բետա տարբերակը հասանելի կլինի հուլիսին:
ԽՈՐՀՈւՐԴ Է ՏՐՎՈւՄ ԿԱՐԴԱԼ
