Իրանցի երկու հայտնի դերասանուհիներ ձերբակալվել են այն բանից հետո, երբ նրանք հրապարակայնորեն հանել են իրենց հիջաբները՝ ի նշան համերաշխության կառավարության կառավարումը քննադատող ցուցարարների հետ: Այս մասին հայտնում է The Independent-ը։
Հենգամե Ղազիանին և Քաթայուն Ռիահին ձերբակալվել են 22-ամյա Մահսա Ամինիի մահվան հետ կապված ցույցերին հրապարակայնորեն աջակցելուց հետո։
Աղջիկը ձերբակալվել է հիջաբը ոչ ճիշտ կրելու համար, իսկ ոստիկանության բաժնում ծեծի ենթարկվելուց երեք օր անց մահացել է։ Դրա պատճառով երկրում բողոքի ցույցեր սկսվեցին, իրանցիները սկսեցին զանգվածաբար կտրել իրենց մազերը և այրել հիջաբները:
Ձերբակալությունից կարճ ժամանակ առաջ Ղազիանին սոցիալական ցանցերում տեսանյութ է հրապարակել, որում նա հանել է հիջաբը։ «Գուցե սա իմ վերջին գրառումն է»,- մակագրել է նկարիչը հրապարակման մեջ։
