Իրանի նախագահ Էբրահիմ Ռաիսին առաջ է քաշել Իսրայելին ՄԱԿ-ից հեռացնելու գաղափարը, հայտնում է Tasnim-ը։
Ելույթ ունենալով Թեհրանում Իսլամական հեղափոխության հաղթանակի 45-ամյակի տոնակատարությունների շրջանակում կիրակի օրը տեղի ունեցած զանգվածային ցույցի ժամանակ՝ Ռաիսին դատապարտել է Իսրայելի ռազմական գործողությունները Գազայի հատվածում։
Պաղեստինյան հիմնախնդիրն անվանելով «մարդկության գլխավոր առաջնահերթությունը»՝ Իրանի նախագահն ասել է, որ կառավարությունները պետք է դադարեցնեն բոլոր տնտեսական հարաբերություններն ու փոխգործակցությունը Իսրայելի հետ, որպեսզի «նրան զսպեն հանցագործություններ կատարելուց»։
«Մեր առաջարկն է՝ հեռացնել սիոնիստական ռեժիմը ՄԱԿ-ից»,- հավելել է նա՝ ասելով, որ Իսրայելը խախտել է 400 հայտարարություն, բանաձև և միջազգային կազմակերպությունների կողմից ձեռնարկված միջոցներ։
Իրանի նախագահի կարծիքով, «պայմանագրերի խախտման նման մռայլ պատմություն ունեցող» Իսրայելը չի հետևի ՄԱԿ-ի բանաձևերին ու դաշնագրերին:
ԽՈՐՀՈւՐԴ Է ՏՐՎՈւՄ ԿԱՐԴԱԼ
