Իրանը չգնաց միջուկային զենքի ստեղծման ճանապարհով, որովհետև իսլամի տեսանկյունից դա արգելված է: Այս մասին, ինչպես փոխանցում է INSA գործակալությունը, ասել է Իրանի գերագույն ղեկավար և հոգևոր առաջնորդ այաթոլլա Ալի Համենեին:
«Մենք կարող էինք գնալ այդ ճանապարհով, բայց մենք ասացինք, որ, համաձայն իսլամի, դա արգելված է»,-ասել է Համենեին։
Նրա խոսքով՝ դա վերաբերում է ինչպես ատոմային զենքի արտադրությանը, այնպես էլ պահելուն:
«Այսօր միջուկային ռումբն սպառնալիք է խաղաղությանն ու մարդկությանը»,- ընդգծել է նա: Սեպտեմբերի 27-ին Իրանի նախագահ Հասան Ռոհանին հայտարարել է, որ Թեհրանը չի ձգտում միջուկային զենք ստանալ, ուստի ՄԱԳԱՏԷ-ի տեսուչներին թույլատրում է հսկողություն իրականացնել իր ատոմային օբյեկտների նկատմամբ:
ԽՈՐՀՈւՐԴ Է ՏՐՎՈւՄ ԿԱՐԴԱԼ
