Իսրայելցի ուժայինները սպանել են պաղեստինցու, որը փորձել է ավտոմեքենայով մխրճվել իրենց մեջ. հայտնում է РИА Новости-ն:
Դա տեղի է ունեցել Հորդանան գետի արևմտյան ափին` Հեբրոն քաղաքի մերձակայքում գտնվող գյուղերից մեկում, որտեղ ոստիկանները գործողություն էին իրականացնում «գունավոր մետաղների անօրինական արտադրության» դեմ:
Ըստ իսրայելական վարկածի` պաղեստինցիներից մեկը փորձել է փասխուստի դիմել մեքենայով, սակայն բախվել է իսրայելական մեքենայի հետ և շարունակել շարժվել ոստիկանության աշխատակցի ուղղությամբ: Ոստիկանը կրակ է բացել, ինչի հետևանքով պաղեստինցին մահացել է: