fbpx
Քաղաքականություն

Ճիշտ չէ՞ր լինի 100 միլիոնը ծախսել հայկական ՀՕՊ-ի կատարելագործման վրա․ Բագրատյանը՝ ՍՈՒ-30-ների ձեռքբերման մասին

ՀՀ նախկին վարչապետ Հրանտ Բագրատյանը Faccebook-ի իր էջում գրառում է կատարել՝ անդրադառնալով «ՍՈՒ-30» 4 կործանիչների ձեռքբերմանը: Գրառումը ներկայացնում ենք ստորև.

«Վերջին շրջանում հանրությունը տեղեկացվեց ռուսական «ՍՈՒ-30» 4 կործանիչների ձեռքբերման մասին։ Երկրի ղեկավարությունը նույնիսկ շտապեց ֆոտոսեսիա անցկացնել նոր ստացված “գույքի” հետ։ Պե՞տք էին այդ ինքնաթիռները մեզ և արդյոք դրանց ձեռքբերումը ֆինանսապես արդարացվա՞ծ է։

4 ոչ նոր կործանիչների (4+ տեխնոլոգիա) հայտնվելը ՀՀ սպառազինության համակարգում պետք է բացառապես հիմնավորել ՀՀ պաշտպանական դոկտրինայի դիրքերից։ Կ՞ա նման փաստաթուղթ։ Չգիտեմ։ Համենայն դեպս, ՀՀ ներկայիս իշխանավորներից ոչ-ոք չի ասել, որ կործանիչների ձեռք բերումը նախատեսված է դրանով։

Դատելով մամուլում հրապարակված պաշտոնական տեղեկատվությունից` կործանիչները ձեռք ենք բերվել ՌԴ ներքին գներով։ Նկատի ունենալով МАКС օդային շոուի ընթացքում ՌԴ ՊՆ կողմից ինքնաթիռների ձեռք բերման պաշտոնապես հրապարակված գները` ստացվում է, որ յուրաքանչյուր ինքնաթիռի համար ՀՀ վճարել է շուրջ 1.5 մլրդ ռուբլի կամ 25 մլն դոլար (ընդամենը շուրջ 100 մլն դոլար)։ Դրա հետ կապված կա 2 հարց։

1. Ի՞նչն ենք մենք կործանելու առաջիկա պատերազմում։ Ադրբեջանական բանակի կրակային հզորությունն առնվազն 2.3 անգամ գերազանցում է մեր հնարավորությունները. 450 տանկը (որից 100-ը T-90, իսկ մնացածը Իսրայելի կողմից մոդեռնիզացված T-72-եր), 2000 БТР և БМП-ն (այդ թվում հարավաֆրիկյան), 700 հրետանական համակարգերը, ռուսական (այդ թվում՝ Солнцепек, չեխական հրթիռային համակարգերը, բելառուսական Պոլոնեզները, թուրքական , Կասիրգաները), ինչպես նաև շուրջ 120 ինքնաթիռներն ու 150 ուղղաթիռները մեծ ուժ են մեր համեմատությամբ։ Դրան պետք է ավելացնել առնվազն մի քանի հազար դրոն։

Բարեբախտաբար, մենք ունենք լավ դաշնակից. լեռները։ Անշուշտ, մեր տրամադրության տակ կան ստրատեգիական, մեծ հեռավորության (300 կմ և ավել) հրթիռներ և այլ հնարավորություններ։ Հիմա հասկանանք. ի՞նչ են անելու այդ 4 կործանիչները։ Ընդամենը 4-ը։ Կործանելո՞ւ են այդ համակարգերը։ Իհարկե՝ ոչ։ Հակառակորդն ունի բարձր ճշգրտության և տարբեր բարձրությունների վրա անթերի աշխատող ԱՍԱ, բելառուսական Բուգ, Իսրայելական Բարակ – 8, ռուսական Ս-300 Ֆավորիտ ՀՕՊ համակարգեր։ Մեր ինքնաթիռները խփվելու են ճնճղուկի պես։ Միթե ավելի ճիշտ չէր լինի վերը նշված 100 մլն-ը ծախսել հայկական ՀՕՊ-ի կատարելագործման, հրթիռային հրետանու, հակադրոնային ցանցային համակարգեր ձեռք բերելու վրա։

2. Նշված 100 մլն-ից սոսկ մի մասն է վճարվել այսպես կոչված «կոռուպցիոն» փողերով։ Մյուս մասի համար վճարումն անհայտ ձևով է կատարվել։ Եվ այստեղ հարց կա. կարո՞ղ է պարտք եք վերցրել։ ԱԺ-ն այդ մասին գիտի՞, հաստատե՞լ է»,-գրել է նա։

https://www.facebook.com/hrant.bagratyan/posts/2775351935855640?__xts__[0]=68.ARB_l4Z0UVP-Nq52S1nTcsfFCQejkUaI2Y0FYKnYCYEVSHuO5YF3i3_5MtOKigI1IaajfgnaOhSkB9ISR1vJvOdTHjcwv5clAFrSnuKoVSojVqr0_zlCFJIZRVANbrTWqKcGRZeIwrbEx8iB8ifSamY1AduRUI0Fvksjotl3eAsoWGLROJvwJ5pFxRdX8q0doSpF6V9kkpCsBPqwHwA4g67EQJASV_Yf1zQGi3I16CVNjxPt7PcMyDWORSgNX2vRDcDUKVvkvBYsn-5rjNTwZKEPRd1Nqgy3iDRd83JgnyM7f80kjezIxqzrx9T3QkYYqjrDN7gEaIEZDQbymkCzoQ&__tn__=-R

ԱՄԵՆԱԴԻՏՎԱԾՆԵՐԸ

ՎԵՐ