ՀՀ ոստիկանության Սպիտակի բաժինը ապրիլի 4-ին,` ժամը 01.30-ին, հիվանդանոցից հաղորդում է ստացել, որ «շմոլ գազի թունավորում» ախտորոշմամբ բուժօգնություն է ստացել Ջրաշեն գյուղի 5 բնակիչ:
ՀՀ ոստիկանության հասարակայնության հետ կապերի և լրատվության վարչությունից տեղեկացնում են, որ մեկնած օպերատիվ խումբը պարզել է, որ նրանք թունավորվել են նույն օրը` ժամը 00.30-ի սահմաններում, տան խոհանոցում տեղադրված գազի կաթսայից արտանետված շմոլ գազից:
Նշանակվել է դատաբժշկական փորձաքննություն:
Կատարվում է քննություն:
