Նոյեմբերի 5-ից որոնվող 67-ամյա Գրիգոր Կոկիկյանի դիակը հայտնաբերվել է Հովտաշեն գյուղի ջրատարում՝ արգելապատնեշի մոտ։
Այս մասին տեղեկանում ենք ՀՀ ոստիկանության պաշտոնական կայքից։
Նշվում է, որ դեկտեմբերի 1-ին Ոստիկանություն ահազանգ է ստացվել այն մասին, որ ջրատարում դի կա։ Դեպքի վայր մեկնած ոստիկաններն էլ հայտնաբերել են Կոկիկյանի դիակը։
Ըստ աղբյուրի՝ դիակի վրա բռնության հետքեր չեն հայտնաբերվել։
Քննություն է կատարվում։

