Հայաստանի կառավարությունը, ամենայն հավանականությամբ, երկարաձգելու է արտակարգ դրության ժամկետը 2020 թվականի մայիսի 14-ից ժամը 17-ից` 30 օրով` մինչև 2020 թվականի հունիսի 13-ը ժամը 17-ը՝ ներառյալ, ժամկետով:
Որոշումը քննարկման կներկայացվի մայիսի 14-ի կառավարության նիստում։ Որոշման մեջ նշվում է, որ կորոնավիրուսային հիվանդության հետևանքով առաջացած արտակարգ իրավիճակը շարունակում է սպառնալ բնակչության կյանքին և առողջությանը և կարող է հանգեցնել անձանց կենսագործունեության բնականոն պայմանների խախտման։