«Չելսիի» նախկին կիսապաշտպան Ջոն Օբի Միկելը խոսել է «Ինտեր Մայամիի» հարձակվող Լիոնել Մեսսիի և «Ալ Նասրի» հարձակվող Կրիշտիանու Ռոնալդուի մասին։
«Ես Մեսսիի երկրպագու եմ։ Երբ մենք խաղում էինք «Յունայթեդի» դեմ, երբ Կրիշտիանուն այնտեղ էր, մենք ասում էինք. «Լավ, Էշլի Քոուլը կզբաղվի նրանով»:
Բայց ամեն անգամ, երբ մենք դիմակայում էինք «Բարսելոնային»… Աստված իմ, մարզումների ամբողջ շաբաթը նվիրված էր Մեսսիին կանգնեցնելուն: Մենք պետք է երկու-երեք խաղացող հանեինք նրա դեմ, որովհետև դուք չեք կարող պաշտպանվել նրա դեմ միայնակ, դա անհնար է:
Եթե խոսենք իմ մասին, ես կարծում եմ՝ պետք չէ համեմատել Մեսսիին և Ռոնալդուին։ Մեսսին այլ մոլորակից է։ Նա այդքան լավն է», – ասել է Օբի Միկելը Ռիո Ֆերդինանդի փոդքաստում: