Ուելսի արքայադուստր Քեյթ Միդլթոնը հունիսի 13-ին մասնակցել է Լոնդոնում անցկացվող «Trooping the Colour» ավանդական զորահանդեսին՝ նվիրված Մեծ Բրիտանիայի թագավոր Չարլզ III-ի պաշտոնական ծննդյան օրվան։ Ինչպես հաղորդում են միջազգային աղբյուրները՝ Page Six-ը և Vogue-ը, արքայադստեր ներկայությունը մեծ ուշադրության է արժանացել՝ հաշվի առնելով նրա առողջական վիճակի շուրջ հանրային հետաքրքրությունը։
Միդլթոնը հանդես է եկել Catherine Walker ապրանքանիշի բաց կապույտ (powder blue) զգեստ-վերարկուով, որը, ըստ նորաձևության փորձագետների, խորհրդանշական հարգանքի տուրք է արքայադուստր Դիանային։ Նմանատիպ կերպարով 1987 թվականին հանրության առաջ էր հայտնվել արքայադուստր Դիանան։ Քեյթի կերպարը լրացրել են Philip Treacy-ի գլխարկը և Իռլանդական գվարդիայի բրոշը, որը ընդգծում է նրա՝ որպես գնդապետի կարգավիճակը։
Արքայադստերը ուղեկցում էին նրա երեխաները՝ արքայազն Ջորջը, արքայադուստր Շառլոտը և արքայազն Լուին։ Միջոցառմանը ներկա էին նաև թագավոր Չարլզ III-ը և թագուհի Կամիլլան՝ ավանդական զինվորական համազգեստով։ Այս վերադարձը դիտարկվում է որպես Քեյթ Միդլթոնի՝ հանրային պարտականությունների աստիճանական վերականգնման կարևոր փուլ՝ քաղցկեղի դեմ պայքարից հետո։