Սպորտ

Կայացել է Գառնիկ Ղուկասյանի անվան աթլետիկայի 27-րդ հուշամրցաշարը

Մայիսի 25-26-ը Արտաշատի քաղաքային մարզադաշտում կայացել է Հայաստանի աթլետիկայի բազմակի չեմպիոն, զոհված ազատամարտիկ Գառնիկ Ղուկասյանի անվան հուշամրցաշարը: 1993 թվականից ի վեր անընդմեջ անցկացվող հուշամրցաշարը կազմակերպվել էր Գառնիկ Ղուկասյանի մարզիչ Սուրեն Ադամյանի նախաձեռնությամբ և Հայաստանի աթլետիկայի ֆեդերացիայի կողմից:

Մրցաշարին մասնակցել է հանրապետության մարզերն ու մայրաքաղաք Երևանը ներկայացնող 190 մարզիկ: Երկօրյա մրցաշարի ընթացքում աթլետները մրցել են վազք, փոխանցումավազք, գնդի հրում, սկավառակի, նիզակի եւ մուրճի նետում, հեռացատկ, եռացատկ, բարձրացատկ մարզաձեւերում՝ ցուցաբերելով գերազանց արդյունքներ:

Հաղթողները պարգևատրվել մեդալներով եւ պատվոգրերով:

Այս մասին տեղեկանում ենք Արարատի մարզպետարանի պաշտոնական կայքից։

ՎԵՐՋԻՆ ԼՈւՐԵՐ

ՎԵՐԵՎ