MGA Entertainment-ը Քայլի Ջենների հետ համատեղ թողարկել է Bratz տիկնիկներ ռեալիթի հեռուստաաստղի կերպարով:
Mini Bratz x Kylie Collectibles-ը կթողարկվի առաջիկա ամիսներին։ Ոգեշնչված Ջենների անհատական ոճով եւ նորաձեւության ամենաուշագրավ պահերից՝ հավաքածուն ներառում է ընդհանուր առմամբ վեց Bratz մինի տիկնիկներ, որոնք վերաիմաստավորվել են նրա հեղինակային գլամուրով:
«Ես մանկուց Bratz-ի երկրպագու եմ եղել եւ միշտ ցանկացել եմ իմ սեփական Bratz տիկնիկն ունենալ»,- ասել է Ջենները: «Ինձ դուր եկավ այս տիկնիկների պատրաստման գործընթացի յուրաքանչյուր քայլ անցյալ տարի Bratz թիմի հետ: Ես այնքան հուզված եմ », – նշել է նա։
Ընթացիկ Barbiecore շարժման պայմաններում Ջենների համագործակցությունը Bratz-ի հետ ամրապնդում է նրանց կարգավիճակը՝ որպես նույնքան ազդեցիկ տիկնիկների կայսրություն՝ Mowalola-ի եւ Cult Gaia-ի նման գերհաջող համագործակցություններից հետո, ինչպես նաեւ նրանց դերը փոփ մշակույթի այնպիսի պահերին ինչպիսին է HBO-ի Euphoria-ի այդ տեսարանը:
«Սա նշանակալի պահ է Bratz-ի պատմության մեջ՝ միավորելով ուժերը Քայլի Ջենների հետ՝ որպես ապրանքանիշի առաջին համագործակցությունը հայտնի մարդկանց հետ: Քայլին իսկապես մարմնավորում է այն ամենը, ինչին Bratz-ը հետեւել է իր ստեղծման օրվանից 22 տարի առաջ»,- ավելացնում է Bratz-ի ստեղծագործական տնօրեն Ժասմին Լարիանը:
