Հայաստանի վարչապետ Նիկոլ Փաշինյանը նոյեմբերի 12-ին լրագրողների հետ զրույցում հայտարարել է, որ պատրաստվում է այցելել Մայր Աթոռ Սուրբ Էջմիածին։ Նա նշել է, որ դա կանի այն ժամանակ, երբ իրեն «հոգևոր առումով բավականաչափ մաքրված» զգա։
Վարչապետը ընդգծել է պատարագների կարևորությունը և հայտնել, որ շարունակելու է մասնակցել դրանց։ Փաշինյանը նաև նշել է, որ ձևակերպել է Ամենայն Հայոց Կաթողիկոսի հրաժարականի օրակարգը և հետևելու է դրան։ Նրա խոսքով, այս գործընթացը ներառում է հանրության հետ խոսակցություն, ինչպես նաև յուրաքանչյուրի ներքին երկխոսությունը Աստծո հետ։
Մեր կողմից նշենք, որ պառակտելով հանրությանը, անընդհատ խորացնելով ՀՀ Կառավարության և Հայ Առաքելական Եկեղեցու միջև եղած հակադրությունը՝ Նիկոլ Փաշինյանը հոգևոր առումով երբեք մաքրված չի կարող լինել։ Դա հերթական կեղծիքն է, որը մատուցվում է հանրությանը ՀՀ վարչապետի կողմից։