Ընդամենը րոպեներ առաջ Վահագն Խաչատուրյանը երդմնակալությամբ պաշտոնապես ստանձնեց Հայաստանի Հանրապետության նախագահի պաշտոնը։
Խաչատուրյանը երդվեց հավատարիմ լինել Հայաստանի Հանրապետության Սահմանադրությանը, իր լիազորություններն իրականացնելիս լինել անաչառ, առաջնորդվել միայն համապետական և համազգային շահերով և իր ողջ ուժը ներդնել ազգային միասնության ամրապնդման գործում։
Նշենք, որ արարողությունը տեղի ունեցավ Կարեն Դեմիրճյանի անվան մարզահամերգային համալիրում։
ՀՀ ԱԺ փոխնախագահ Հակոբ Արշակյանը Ազգային ժողովի հատուկ նիստը հայտարարեց ավարտված։
Հավելենք, որ Խաչատուրյանը Հայաստանի Հանրապետության 5-րդ նախագահն է։