Հունվարի 27-ին նախատեսվում է Հայաստանի, Ռուսաստանի ու Ադրբեջանի փոխվարչապետերի հանդիպումը, որի շրջանակներում քննարկվելու է Հարավային Կովկասում տրանսպորտային միջանցք ստեղծելու հարցը։
Այս մասին հայտնում է РБК-ն։
Փոխվարչապետ Մհեր Գրիգորյանի օգնական Անի Բաբայանը 1lurer-ի հետ զրույցում հանդիպման վերաբերյալ հայտնել է, որ այն կայանալու է մոտ օրերս։
Նա նշել է, որ օրակարգում չկա որևէ կոնկրետ ուղղություն կամ ենթակառուցվածք ու հանդիպմանը քննարկվելու են տարածաշրջանում տրանսպորտային ապաշրջափակման հետ կապված տարբեր հարցեր։
