Փարիզում մի կին, ներկայանալով որպես Արաբական Միացյալ Էմիրություններից արքայադուստր, 1.6 միլիոն եվրո արժողությամբ զարդեր է գողացել ոսկերչական խանութից։ Այս մասին հաղորդում է LCL-ն:
Ինչպես նշվում է, կինը մտել է զարդերի խանութ և որպես արաբական արքայադուստր ներկայացել:
Խանութի սեփականատերը մի քանի ժամ նրան ցույց է տվել զարդերը: Հաճախորդը մի քանի զարդ է ընտրել՝ խոստանալով հաջորդ օրը փոխանցել գումարը:
Որոշ ժամանակ անց աշխատակիցները թանկարժեք իրերի տուփի մեջ զարդերի փոխարեն շոկոլադե կոնֆետներ են հայտնաբերել:
Պարզաբանվում է, որ գործը հետաքննում է Փարիզի ոստիկանության կազմակերպված հանցավորության դեմ պայքարի բրիգադը:
![](https://azat.tv/wp-content/uploads/2022/09/azattvlogoblack.png)