Տոյվո Կլաարը ողջունել է հինգ հայ ռազմագերիների ազատ արձակումը

Եվրամիության՝ Հարավային Կովկասում և Վրչաստանում ճգնաժամային հարցերով հատուկ ներկայացուցիչ Տոյվո Կլաարը ողջունել է Ադրբեջանում պահվող հինգ հայ ռազմագերիների ազատ արձակումը։

Թվիթերյան իր էջում գրելով այս մասին՝ նա իրադարձությունը համարել է կարևոր հումանիտար քայլ և հայտարարել՝ հիանալի է, որ ռազմագերիների փոխանցումը անցել է առանց միջնորդների: