ՀՀ առողջապահության նախարարի պաշտոնակատար Արսեն Թորոսյանն իր ֆեյսբուքյան էջում հերքել է վերջին օրերին համացանցում ակտիվորեն տարածվող տեսանյութն այն մասին, որ Պարացետամոլը դեղի մի տեսակ է, որը 5 օր խմելուց հետո կաթվածահար են լինում՝ փոխանցում է armtimes.com-ը:
Թորոսյանը գրել է.
«Վերջին օրերին սոցիալական ցանցերով տարածվում է մի տեսահոլովակ, որտեղ ասվում է, որ իբր կա մի դեղ, որը 5 օր խմելուց հետո մահանում ես։
Տեղեկացնեմ, որ.
– Հայաստանում նման դեղ գրանցված չէ և հետևաբար չի կարող ներկրվել։
– Պարզապես տարօրինակ է 5 օր խմելու և միայն 5-րդ օրը մահանալու հանգամանքը։
– Նման տեսահոլովակների տարածումը ունի ընդամենը մեկ նպատակ՝ տարածող էջի համար հանրաճանաչություն և լայքեր ապահովել։
– Կոչ եմ անում բոլորին նման անհեթեթ տեսահոլովակներ չտարածել և պանիկա չգցել հասարակության մեջ։
– Եվ վերջապես, տարածե՛ք, թող բոլորն իմանան», – նշել է նախարարի պաշտոնակատարը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
