Սպորտ

Կոնտեն ներողություն է խնդրել

Football Italia-ի հաղորդմամբ՝ «Ինտերի» գլխավոր մարզիչ Անտոնիո Կոնտեն «Յուվենտուսի» տնօրենների հասցեին վիրավորական ժեստի համար ներողություն է խնդրել։

Իտալիայի գավաթի խաղում ընդմիջման ժամանակ մասնագետը ցույց էր տվել միջին մատը բիանկոների ղեկավարներին: Իսկ «Յուվենտուսի» նախագահ Անդրեա Անիելին, ի պատասխան Կոնտեին՝ խաղից հետո ասել էր․«Լռիր, հիմար»:

«Ասուլիսի ընթացքում ես ուզում եմ խոսել միայն ֆուտբոլի մասին, այնպես որ նախ կասեմ դա: Ես եկել եմ այստեղ ՝ ներողություն խնդրելու վիրավորանքներին ճիշտ չպատասխանելու համար: Ես կարող էի այլ կերպ արձագանքել, և ամեն ինչ ավելի դրական կավարտվեր:

Կներեք, և ես դաս կքաղեմ ապագայի համար: Վիրավորանքներն ու սադրանքները չպետք է արդարացվեն: Ես չպետք է այդպես պատասխանեի: Բոլորը տեսան, թե ինչ տեղի ունեցավ «Յուվենտուս» մարզադաշտում»,- նշել է Անտոնիո Կոնտեն։

Կոնտեն եշտել է, որ իրենք որպես մարզիչներ, ինչպես նաև ֆուտբոլիստներ և նախագահներ, պետք է օրինակ լինենք:

«Դուք կարող եք այլ կերպ արձագանքել սադրանքներին և վիրավորանքներին, օրինակ ՝ մատը բարձրացնելով կամ ծափահարելով», – հավելել է Անտոնիո Կոնտեն։

ՎԵՐՋԻՆ ԼՈւՐԵՐ

ՎԵՐԵՎ