Աշխարհ

Կրակոցներ Մոսկվայի կենտրոնում. զոհվել է ՌԴ ԱԱԾ-ի 1 աշխատակից

Մոտ մեկ ժամ առաջ անհայտ անձը Մոսկվայի կենտրոնում կրակ է բացել ՌԴ Ազգային անվտանգության ծառայության շենքի և մուտքի ուղղությամբ:

Կրակոցների հետևանքով կա մեկ զոհ և տուժածներ: Դեպքից րոպեներ անց իրավապահերին հաջողվել է ճշտել կրակահերթի հեղինակի ինքնությունը և վնասազերծել նրան:

Ավելի ուշ հայտնի է դարձել, որ կրակոցների հետևանքով մահացածը ԱԱԾ աշխատակից է: Այս տեղեկությունը հաստատել է կառույցի հասարակայնության հետ կապերի վարչությունը:

ԱԱԾ ևս 2 աշխատակից ծայրահեղ ծանր վիճակում հոսպիտալացվել են: Երկրի առողջապահության նախարարության աշխատակիցը հայտնել է, որ երկուսն էլ ծանր հրազենային վիրավորումներ են ստացել:

Մի քանի հոգի տուժել է նաև Կուզնեցկի կամրջին: Այս պահին Մեծ Լյուբյանկի շրջանում երթևեկությունը կասեցվել է ամբողջ փողոցի և խաչմերուկների երկայնքով: Բացի այդ, հնարավոր չէ անցնել նաև Բուլվարային շրջադարձից մինչև Մյասնիցկի փողոց, մետրոյի Լյուբյանկա կայարանի մուտքի և ելքի երթևեկությունը ևս սահմանափակվել է:

ՌԴ նախագահի մամուլի քարտուղար Դմիտրի Պեսկովը հայտարարել է, որ երկրի ղեկավարին օպերատիվ կարգով զեկուցվում է Մոսկվայի կենտրոնում տիրող իրավիճակի մասին:

Դեպքի առթիվ հարուցվել է քրեական գործ՝ իրավապահ մարմինների աշխատակիցների կյանքի նկատմամբ վտանգավոր գործողություններ կատարելու և սպանության հատկանիշներով:

Ռուսական լրատվամիջոցների հրապարակած տեսանյութում լսվում են կրակոցները, երևում են մարդկանց խուճապն ու իրավապահների գործողությունները:

Աղբյուրը՝ Armtimes.com

ՎԵՐՋԻՆ ԼՈւՐԵՐ

ՎԵՐԵՎ