Իսպանական Մալագայից Պալմա դե Մայորկա ուղևորվող կրուիզային նավի զբոսաշրջիկները հրաժարվել են կանգ առնել Բարսելոնայում․ նրանք քվեարկել են երթուղին Տարագոնա փոխելու օգտին: Այս մասին հաղորդում է El Periodico-ն:
Տարագոնայի նավահանգիստը նոյեմբերի 2-ին փակվել էր տուրիստական տարեշրջանի ավարտվելու հետևանքով: Բայց այն բանից հետո, երբ նավի 311 ուղևորներ ցանկացել են հայտնվել քաղաքում, նավի աշխատակիցներն շտապ կարգով պատրաստվել են հյուրերի ժամանմանը:
Պարզվել է, որ Բարսելոնա այցելել ցանկացողները շատ ավելի քիչ էին՝ 151 ուղևոր:
Երթուղին փոխելու պատճառների մասին, սակայն, չի հաղորդվում:
Բայց Տարագոնա նավի ժամանելու շնորհիվ ռեկորդ է սահմանվել նավահանգստում ընդունված ուղևորների թվով. անցյալ տարեշրջանում նրանց թիվը 127 հազար 495 էր, իսկ այս տարի՝ 127 հազար 997: