ՀՀ վարչապետ Նիկոլ Փաշինյանը Կառավարության այսօրվա նիստում խոսեց Զինված ուժերի բարեփոխումների մասին։
Նա ասաց, որ վերջին ամիսներին այս թեմայով քննարկումներ են եղել և ձևակերպվել է օրակարգ, թե ԶՈւ բարեփոխումները ինչպես ու ինչպիսի ձևաչափում պետք է լինեն։
Փաշինյանը նշեց, որ այսօր մտադիր է ստորագրել որոշում, որով ձևավորվելու է աշխատանքային խումբ։ Վերջինի առաքելությունն է լինելու իրականացնել ԶՈւ բարեփոխումների հայեցակարգի ճանապարհային քարտեզի ժամանակացույցի ձևավորումը։ Խումբը գլխավորելու է ՀՀ պաշտպանության նախարար Վաղարշակ Հարությունյանը։
Վարչապետի խոսքով՝ մտադիր են այս գործընթացում ավելի սերտացնել համագործակցությունը Ռուսաստանի հետ։