Կուբայի ժողովրդական իշխանության Ազգային ասամբլեան (միապալատ խորհրդարան) այսօր՝ հոկտեմբերի 10-ին, արտահերթ նիստ կանցկացնի հանրապետության նախագահ ընտրելու համար՝ երկրի նոր սահմանադրության դրույթներին համապատասխան, որն ընդունվել է փետրվարին անցկացված հանրաքվեով։
Պետության ղեկավարից բացի, որին կընտրեն առաջին անգամ 40 և ավելի տարիների ընթացքում, կնշվեն նաև երկրի փոխնախագահի, Պետական խորհրդի անդամների և խորհրդարանի նախագահի անունները։
Թեկնածուներին խորհրդարանականներին ներկայացնելը տեղի կունենա անմիջապես նիստի ժամանակ, իսկ հաղթող կդառնա ներկա գտնվող պատգամավորների ձայների 50 տոկոսից ավելին հավաքած հավակնորդը։ Նման սխեմայով կընտրվի նաև Պետական խորհրդի կազմը, որը կունենա 21 ներկայացուցիչ։ Հանրապետության նախագահը պաշտոնը կստանձնի քվեարկության արդյունքների հայտարարումից անմիջապես հետո։
Նախագահական լիազորությունների ժամկետը սահմանադրությամբ նախատեսված է հինգ տարի, բայց պետության ղեկավարի այդ մանդատը կարող է ավելի կարճ տևել, նոր ընտրությունները կանցկացվեն 2023-ին խորհրդարանի պատգամավորների ընտրությունների հետ միասին։ Այս միջոցն ընդունվել է նաև այն բանի համար, որպեսզի վերընտրվի ժողովրդական իշխանության Ազգային ասամբլեան, որի կազմը ձևավորվել է անցած տարի և որը մնում է իշխանության բարձրագույն մարմինը երկրում։
Ավելի քան 6,81 մլն կուբացիներ քվեարկել են նոր սահմանադրության հաստատման օգտին փետրվարի 24-ին տեղի ունեցած համաժողովրդական կամարտահայտման ժամանակ, դա կազմում է երկրի ձայնի իրավունք ունեցող բոլոր քաղաքացիների 73,3 տոկոսը։ Կուբայի Ազգային ընտրական հանձնաժողովի տվյալներով՝ մասնակցությունը հանրաքվեին կազմել է 84,4 տոկոս։
Կարևոր փոփոխությունների թվում մասնավոր սեփականության մասնակի ընդունումն ու կոմունիզմի կառուցումից հրաժարումն են, նախագահի և վարչապետի պաշտոնների հիմնումը, բարձրագույն պետական պաշտոնում երկու հնգամյա ժամկետ գտնվելը։ Միաժամանակ, պետության սոցիալիստական բնույթի և հասարակության կյանքում Կոմունիստական կուսակցության ղեկավար դերի մասին դրույթները նոր սահմանադրությունում մնացել են անփոփոխ։
ԽՈՐՀՈւՐԴ Է ՏՐՎՈւՄ ԿԱՐԴԱԼ
