Լեհաստանն ու բալթյան պետությունները Ռուսաստանի հետ սահմանի երկայնքով միասնական պաշտպանական գիծ կստեղծեն։ Այս մասին ՆԱՏՕ-ի անդամ 12 եվրոպական պետությունների ռազմական գերատեսչությունների ներկայացուցիչների հանդիպման ժամանակ հայտարարել է Լեհաստանի պաշտպանության փոխնախարար Ցեզարի Տոմչիկը։
Նրա խոսքով՝ բալթյան պետությունների կողմից Ռուսաստանի սահմանին կառուցվող ամրությունները պետք է միանան Լեհաստանի կողմից ստեղծվող «Արևելյան վահան» ֆորտիֆիկացիոն համակարգին։
Ավելի վաղ Լեհաստանի վարչապետ Դոնալդ Տուսկը հայտարարել էր, որ Վարշավան Ռուսաստանի հետ սահմանին ամրություններ կառուցելու նպատակով պատրաստվում է շուրջ 2,5 միլիարդ ամերիկյան դոլար ծախսել։
