Լոլիկի հյութն օգտակար միկրոտարրերի հարուստ աղբյուր է։ Դրանում պարունակվող հակաօքսիդանտները, վիտամիններն ու հանքանյութերը՝ կալիումի և մագնեզիումի տեսքով, պաշտպանում են մարմնի բջիջները, նվազեցնում խոլեստերինի մակարդակը և բարելավում սրտի աշխատանքը: Սակայն այնուամենայնիվ այս օգտակար ըմպելիքը կարող է լրջորեն վնասել ոմանց։ Այս մասին Sputnik ռադիոկայանի հետ զրույցում ասել է սննդաբան Ալեքսանդրա Ռազարյոնովան։
Մասնագետի խոսքով՝ գաստրիտով, պեպտիկ խոցով կամ գաստրոէզոֆագեալ ռեֆլյուքսով հիվանդները պետք է խուսափեն լոլիկի հյութից, քանի որ դրա բարձր թթվայնությունը միայն էլ ավելի կվատթարացնի հիվանդի վիճակը:
Երիկամների հիվանդություններով բուժառուները, ովքեր կանոնավոր վերահսկում են օգտագործվող կալիումի քանակը, նույնպես ստիպված կլինեն խուսափել այս ըմպելիքից, իսկ եթե դրան նաև շաքար է ավելացվել, ապա այն վնասակար կլինի նաև շաքարային դիաբետով հիվանդների համար։
«Որոշ դեպքերում ըմպելիքը պարունակում է սնձան՝ գլյուտեն, ինչը վնասակար է ցելիակիա՝ սնձանի նկատմամբ անհանդուրժողականություն ունեցողների համար։ Նաև լոլիկի հյութը կարող է փոխազդել որոշ դեղամիջոցների հետ, ուստի պարբերաբար դեղորայք ընդունող մարդիկ այն օգտագործելուց առաջ պետք է խորհրդակցեն բժշկի հետ», – հավելել է Ռազարյոնովան։
![](https://azat.tv/wp-content/uploads/2022/09/azattvlogoblack.png)