«Ռեալի» նախկին գլխավոր մարզիչ Խուլեն Լոպետեգին պատմել է 2018 թվականի ամառվա իրադարձությունների մասին, երբ ինքը գլխավորեց մադրիդյան ակումբն ու հենց հաջորդ օրը հեռացվեց Իսպանիայի հավաքականից ԱԱ-2018-ից առաջ.
«Ես չէի քնում ու չգիտեի` որտեղ եմ գտնվում: Սկզբում ես Ռուսաստանում էի, պատրաստվում էի աշխարհի առաջնությանը, իսկ հետո արդեն հայտնվեցի «Սանտյագո Բեռնաբեու» ստադիոնում` նոր թիմի հետ:
Ամեն ինչ շատ արագ կատարվեց, դժվար էր այդ ամենն ընդունելը, էմոցիաները շատ ուժեղ էին: Դժվար էր խոսելը: Աշխարհի առաջնությունը երազանք էր, որի համար ես քրտնաջան աշխատում էի:
«Ռեալում» սկիզբը լավ էր, թիմը լավ էր խաղում, բայց հետո մենք դժվար շաբաթներ ունեցանք: Դուք պարզապես հույս եք տածում, որ ունեք ժամանակ լուծում գտնելու համար: Մենք վստահ էինք, որ այդ իրավիճակը կանցնի»,- Լոպետեգիի խոսքերն է փոխանցում BBC-ն:
Հաղորդում է armsport.am-ը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
